Mabuting Balita: Marcos 1:21b-28
Sa lungsod ng
Capernaum sa Araw ng Pamamahinga si Jesus ay pumasok sa sinagoga at nagturo.
Namangha ang mga tao sapagkat nagturo siya sa kanila na parang isang may
kapangyarihan, at hindi tulad ng mga eskriba. Bigla namang pumasok sa sinagoga
ang isang inaalihan ng masamang espiritu, at sumigaw: "Ano ang pakialam mo
sa amin, Jesus na taga-Nazaret?
Kilala kita:
Ikaw ang Banal na mula sa Diyos!" Ngunit iniutos ni Jesus sa masamang
espiritu , "Tumahimik ka! Lumabas ka sa kanya!" Pinapangisay ng
masamang espiritu ang tao, at sumisigaw na lumabas. Nanggilalas ang lahat,
kaya't sila'y nagtanungan. "Ano ito? Bagong aral? Nauutusan niya pati ang
masasamang espiritu. At sinunod naman siya!" At mabilis na kumalat sa
buong Galilea ang balita tungkol kay Jesus.
No comments:
Post a Comment