Ang Mabuting Balita para sa Agosto 13, Sabado ng Ika-19 na Linggo sa Karaniwang Panahon: Mateo 19:13-15

Mabuting Balita: Mateo 19:13-15

Noong panahong iyon, ay nagdala ng mga bata kay Jesus upang hilinging ipatong niya sa mga ito ang kanyang kamay at ipanalangin. Ngunit pinagwikaan sila ng mga alagad. Datapwat sinabi ni Jesus, "Hayaan ninyong lumapit sa akin ang mga bata. Huwag ninyo silang hadlangan, sapagkat sa katulad nila naghahari ang Diyos." Ipinatong niya sa kanila ang kanyang mga kamay, saka umalis.