Mabuting
Balita: Mateo 10:7-13
Sinabi ni Jesus
sa kanyang mga alagad, 7 Ipahayag ang mensaheng ito sa inyong
paglalakbay: ‘Palapit na ang kaharian ng Langit.’ 8 Pagalingin ang
maysakit, buhayin ang patay, linisin ang mga mayketong at palayasin ang mga
demonyo. Tinanggap ninyo ito nang walang bayad kaya ibigay rin ninyo nang
walang bayad. 9 Huwag magdala ng ginto, pilak o pera sa inyong mga bulsa.
10 Huwag magdala ng balutan o sobrang damit o sandalyas o tungkod,
sapagkat may karapatan ang manggagawa sa kanyang ikabubuhay.
11 Pagdating
ninyo sa isang bayan o baryo, maghanap ng isang taong karapat-dapat at
makituloy sa kanya hanggang sa inyong pag-alis. 12 Pagpasok ninyo sa isang
tahanan, dasalan ito ng kapayapaan. 13 Kung karapat-dapat ang sambahayang
ito, sasakanila ang kapayapaang dinasal ninyo; kung hindi naman karapat-dapat,
babalik sa inyo ang inyong dasal.
Ang Mabuting
Balita ng Panginoon.
No comments:
Post a Comment