Mabuting Balita: Lucas 17:7-10
Noong panahong iyon, sinabi ng
Panginoon, "Ipalagay nating kayo'y may aliping nag-aararo, o nagpapastol
kaya ng tupa. Pagkagaling niya sa bukid, sasabihin ba ninyo sa kanya, 'Halika
at nang makakain ka na'? Hindi! Sa halip ay ganito ang sinasabi ninyo:
'Ipaghanda mo ako ng hapunan; magbihis ka, at silbihan mo ako habang ako'y
kumakain.
Kumain ka pagkakain ko.' Pinasasalamatan ba ang alipin dahil sa ginawa niya ang iniutos sa kanya? Gayon din naman kayo; kapag nagawa na ninyo ang lahat ng iniuutos sa inyo, sabihin ninyo, 'Kami'y mga aliping walang kabuluhan; tumupad lamang kami sa aming tungkulin.'"
No comments:
Post a Comment