Mabuting Balita: Mateo 2:13-18
Pagkaalis ng mga Pantas, napakita kay
Jose sa panaginip ang isang anghel ng Panginoon. Sinabi sa kanya,
"Magbangon ka, dalhin mo agad sa Egipto ang mag-ina. At huwag kayong aalis
doon hangga't hndi ko sinasabi sa iyo.
Sapagkat hahanapin ni Herodes ang
sanggol upang patayin." Kaya dali-daling bumangon si Jose at nang gabing
iyo'y dinala sa Egipto ang mag-ina. Doon sila tumira hanggang mamatay si
Herodes. Nangyari ito upang matupad ang sinabi ng Panginoon sa pamamagitan ng
propeta, "Tinawag ko ang aking Anak mula sa Egipto."
Galit na galit si Herodes nang malamang siya'y napaglalangan ng
mga Pantas. Kaya't ipinapatay niya ang mga batang lalaki sa Betlehem at mga
palibot na pook-- lahat na may gulang na dalawang taon pababa, alinsunod sa
paglitaw ng tala na natiyak niyang sa mga Pantas.
Sa
gayo'y natupad ang sinabi ni Propeta Jeremias: "Narinig sa Rama ang
malakas na panaghoy. Tinatangisan ni Raquel ang kanyang mga anak. Hindi siya
maaliw sa tindi ng kalungkutan dahil sa pagkamatay nila."
No comments:
Post a Comment