Noong
panahong iyon, sinabi ni Hesus sa kanyang mga alagad, “Hindi mawawala kahit
kailan ang mga sanhi ng pagkakasala; ngunit nakapangingilabot ang sasapitin ng
taong panggagalingan nito! Mabuti pa sa kanya ang bitinan ng isang malaking
gilingang-bato sa leeg at itapon sa dagat, kaysa maging sanhi ng pagkakasala ng
isa sa maliliit na ito. Kaya’t mag-ingat kayo!
“Kung magkasala ang kapatid mo, pagsabihan mo, at kung siya’y magsisi, patawarin mo. Kung makapito siyang magkasala sa iyo sa maghapon, at makapito ring lumapit sa iyo at magsabing, ‘Nagsisisi ako,’ patawarin mo.”
Sinabi ng mga
apostol sa Panginoon, “Dagdagan po ninyo ang aming pananalig sa Diyos!” Tumugon
ang Panginoon, “Kung maging sinlaki man lamang ng butil ng mustasa ang inyong
pananalig sa Diyos, masasabi ninyo sa puno ng sikomorong ito, ‘Mabunot ka, at
matanim sa dagat!’ at tatalima ito sa inyo.”
No comments:
Post a Comment