Ang Mabuting Balita para sa Nobyembre 19 Biyernes sa Ika-33 na Linggo ng Taon: Lucas 19:45-48

Mabuting Balita: Lucas 19:45-48

45 Pumasok si Jesus sa patyo ng Templo at pinalayas ang mga nagtitinda, 46 at sinabi niya: “Nasusulat: ‘Magiging bahay-dalanginan ang aking bahay,’ pero ginawa ninyong pugad ng mga magnanakaw!”

47 Araw-araw na nangangaral si Jesus sa Templo. Hangad siyang patayin ng mga punong-pari at mga guro ng Batas, kasama ang mga Matatanda ng bayan. 48 Ngunit wala silang magawa dahil taimtim na nakikinig sa kanya ang buong bayan.