5 Sinabi
naman ni Jesus sa kanila: “Alam ni Moises na matigas ang inyong puso kaya
sinulat niya ang kautusang ito. 6 Ngunit sa simula’y ginawa sila ng
Maykapal na lalaki at babae, 7 at dahil dito, iiwan ng lalaki ang kanyang
ama at ina at magiging iisang katawan ang dalawa. 8 Kung gayo’y hindi na
sila dalawa kundi iisang katawan lamang 9 kaya huwag paghiwalayin ng tao
ang pinagbuklod ng Diyos.”
10 Nang
nasa bahay na sila, tinanong siyang muli ng mga alagad. 11 At sinabi niya
sa kanila: “Kung may lalaking magpaalis sa kanyang asawa at saka magpakasal
sa iba, nakiapid na siya. 12 At kung ang babae naman ang magpaalis sa
lalaki at magpakasal sa iba, nakikiapid din siya.”
• 13 May
nagdala naman kay Jesus ng mga bata para hipuin niya sila. Ngunit pinagalitan
ng mga alagad ang mga taong may dala sa kanila.
14 At
pagkakita ni Jesus, nagalit siya at sinabi sa kanila: “Pabayaan ninyong lumapit
sa akin ang mga bata. Huwag ninyo silang pigilan. Sa mga tulad nga nila ang
kaharian ng Diyos. 15 Talagang sinasabi ko sa inyo: hindi papasok sa
kaharian ng Diyos ang di tumatanggap dito gaya ng isang maliit na bata.”
16 At pagkakalong sa kanila ni Jesus, ipinatong niya sa kanila ang
kanyang mga kamay para basbasan sila.
+ + + + + + +
Repleksyon:
Kumusta ang iyong buhay bilang may asawa?
Ito ay mga halimbawa ng isang buhay may asawa
na nasa krisis: 1.) Ang lalaki ay may bawal na relasyon liban sa kanyang asawa.
2.) Ang babae ay nakatira pa rin sa iisang bahay kasama ng kanyang asawa ngunit
bihira na silang mag usap at siya na tumitira parin sa bahay para nalang sa
kanyang mga anak. 3.) Ang babae ay nag sampa ng kaso para ipawalang bias ang
kanilang kasal. Bakit po ba nangyayari
ang ganito sa buhay ng mga mag asawa?
Marahil ito po ay dahil sa kakulangan ng
matibay na pundasyon at pagtitiwala sa sakramento ng kasal. Marahil ito po ay dahil din sa kanilang
pagmamataas, kakulagan ng pagpapakumbaba at kakulangan ng pagtitiis para maging
matagumpay ang kanila buhay mag-asawa. Marahil ay nakita rin ng mag-asawa noong
sila ay mga bata pa kung paano hindi rin pinahalagahan ng kanilang magulang ang
kanilang sariling buhay may may asawa.
Ang pagkawasak ng Sakramento ng Kasal ay
hinding hindi gusto ng Panginoon dahil mula sa simula ay ang gusto ng Panginoon
ay Sakramento ng Kasal ay hangang sa dulo ng walang hangang. Ito ang dahilan
kaya sinabi ni Jesus: “Iiwan ng lalaki ang kanyang ama at ina at magiging
iisang katawan ang dalawa. 8 Kung gayo’y hindi na sila da¬lawa kundi iisang
katawan lamang 9 kaya huwag paghi¬walayin ng tao ang pinagbuklod ng Diyos.”
(Marcos 10:7-9)
Ano nga po ba ang sekreto para sa panghabang
buhay na buhay may asawa? Kailagan po tayo ay magkaroong ng kababaang loob ng
parang sa isang bata. Kailagan natin palaging kasama si Jesus sa ating buhay
may asawa. Kailagan tayo ay mapagpatawad matiisin at kailagan palaging may oras
sa pananalangin bilang isang pamilya.
Pero ang nakakalungkot ay ang kababaan ng
loob, pagtitiis, pagpapatawad at ang pagiging madasalin ay ang mga
katagiang na parang wala na sa mga mag
asawa sa ngayon. Napaladali sa kanila na
na magtaksil o maghiwalay na hindi man lang iniisip ang kapakanan ng
kanilang pamilya. Bakit nga ba napakahirap sa marami sa atin ang mag pakumbaba,
ang magtiis, ang magpatawad at maging madasalin?
Simple lang ang kasagutan, ito po ay dahil
hindi na tayo tapat na sumussunod kay Jesus. Oo, tayo ay nag sisimba, nag
dadasal, nag babasa ng biblia pero hangang diyan lang. Hindi natin ito
isinasapuso kaya karamihan sa atin ay nahuhulog sa patibong ni Satanas.
Si satanas na palaging itinatago ang kanyang
mga temptasyon sa mga bagay na kaakit-akit para mawasak nya ang buhay ng mag
asawa. At para malinlang nya ang ating puso at isipan na kalimutan ang
naghihintay na kaparusahan na siguradong darating pag tayo ay kumagat sa
kanyang mga temptasyon na sirain ang Sakramento ng Kasal at buhay mag-asawa.
Wala pong perpektong buhay mag asawa dahil hindi naman po tayo perpekto. Kaya importante po na ang mag-asawa ay palaging may ugnayan sa Panginoon para mapagtagumpayan ng mag asawa ang mga hamon na susubok sa kanila. – Marino J. Dasmarinas
No comments:
Post a Comment