Mabuting Balita: Marcos 9:30-37
30 Noong panahong iyon si Jesus at ang kanyang
mga alagad ay nagsimulang dumaan sa Galilea. Gusto niya na walang sinumang
makaalam 31 sapagkat tinuturuan niya ang kanyang mga alagad. At sinabi niya sa
kanila: “Ibibigay ang Anak ng Tao sa kamay ng mga tao. Papatayin nila siya
ngunit pagka¬patay nila sa kanya, baba¬ngon siya sa ikatlong araw.” Kaya lubha
silang nalungkot. 32 Hindi nila ito naintindihan at hindi rin sila nangahas
magtanong sa kanya. 33 Pagdating nila sa Capernaum, nang nasa bahay na siya,
tinanong niya sila: “Ano ang pinag-uusapan ninyo sa daan?” 34 At hindi sila
umimik; pinagtatalunan nga nila sa daan kung sino ang mas una.
35 Kaya naupo siya at pagkatawag sa
Labindalawa ay sinabi sa kanila: “Kung may gustong mauna, maging huli siya sa
lahat at lingkod ng lahat.” 36 At pagkakuha niya sa isang maliit na bata,
pinatayo ito sa gitna nila at inakbayan at saka sinabi sa kanila: 37 “Ang
sinumang tumanggap sa isa sa mga batang ito nang dahil sa aking pangalan ay tumatanggap
sa akin. At ang tumatanggap sa akin ay hindi ako ang tinatanggap kundi ang
nagsugo sa akin.”
+ + + + + + +
Repleksyon:
Ano ang pinaka
importanteng katangian ng tagasunod ni Jesus? Ito ay ang katagian ng kababaan
ng loob. Ang mapagpakumbabang tagasunod ni Jesus ay sumusunod sa kanya ng
walang ibang dahilan kundi ang magsilbi ng walang hinihintay na anumang
kapalit. Hindi siya sumusunod kay Jesus dahil gusto niyang makilala, magkaroon
ng kapangyarihan at maging sikat.
Habang si Jesus at
ang kanyang mga alagad ay dumadaan sa Galilea binubuksan niya sa kanila ang mga malapit ng mangyari sa
kanya. Pero ang mga alagad ay hindi nakikinig dahil lubha silang abala sa pag
dediskusyon kung sino sa kanila ang pinaka dakila. Wow, ang yabang naman nila!
Imbes na makinig sila kay Jesus ay pinag uusapan nila kung sino sa kanila ang
pinaka dakila.
Sa oras na iyon ay
wala na sa mga puso ng mga alagad ang kagustuhan na sumunod kay Jesus ng may
kababaan ng loob. Ang nangingibabaw sa kanila ay ang kayabangan at ang
kagustuhan na maging isang sikat sa mata
ng kanilang mga kasama.
Kung talagang gusto
nating sumunod kay Jesus ay kailangan sumunod tayo sa kanya ng boung kababaang
loob. Kailangan ay matutunan natin na kalimutan ang ating mga sarili. Kailagan
ay tanggalin natin ang anumang uri ng kayabangan sa ating mga puso at ang
kagustuhan na palaging nauuna at nakikita.
Kailangan ay palagi
tayong maging mababa ang loob at simple sa lahat ng oras sa dahilan na ito
lamang ang paraan kung saan ay makakapagdala tayo ng ating kapwa kay Jesus. - Marino J. Dasmarinas
No comments:
Post a Comment