Mabuting
Balita: Juan 3:13-17
Sinabi ni
Jesus kay Nicodemo: 13 Walang umakyat sa langit maliban sa bumaba mula sa
langit – ang Anak ng Tao. 14 At kung paanong itinaas ni Moises ang ahas sa
disyerto, gayundin dapat itaas ang Anak ng Tao 15 upang mag¬karoon ng buhay
magpakailanman ang bawat nananalig sa kanya. 16 Ganito nga kamahal ng Diyos ang
mundo! Kayat ibinigay niya ang kanyang bugtong na anak upang hindi na mawala
ang bawat nananalig sa kanya kundi magkaroon ng buhay magpa¬kailanman. 17 Hindi
nga sinugo ng Diyos sa mundo ang Anak upang hukuman ang mundo kundi upang
maligtas ang mundo sa pamamagitan niya.
+ + + + +
+ +
Repleksyon:
Paano po
ba tayo kadalasan mag mahal? Minamahal natin yung nagmamahal din sa atin. Pero
yung hindi nagmamahal sa atin hindi rin natin kadalasan minamahal. Ang ganitong
reaksyon marahil ay dala ng ating kahinaan bilang tao.
Hindi
katulad ng ating pagmamahal ang pagmamahal ng Diyos ay para sa ating lahat.
Kahit na tayo ay gaano man ka makasalanan ang pag-ibig ng Diyos ay
palaging nandiyan para sa atin. Palaging
inaabot ng Diyos ang kanyang kamay ng pag-ibig at pagpapatawad maging sino man
tayo.
Pag tayo
po ay nagmahal kadalasan ito ay may kakibat na panukat. Kung hindi man ay
sinusukat natin ang pag-ibig na ibinibigay natin ayon sa pag-ibig na natatangap
natin mula sa ating kapwa. Pero bakit po hindi natin subukang magmahal katulad
kung paano magmahal ang Diyos. Hindi po ba natin kayang mahalin kahit na yung
hindi nagmamahal sa atin at kahit na yung napopoot sa atin?
Isa po sa
mga mahalagang palatandaan ng totoong sumusunod sa Diyos ay ang ating patuloy
na pagmamahal sa ating kapwa kahit na hindi tayo minamahal nito. At ang ating
kakayahang magpatawad kahit na sa mga taong hindi humihingi n gating
kapatawaran. – Marino J. Dasmarinas
No comments:
Post a Comment